Desagertzeko zorian dagoen ogibidea duen pertsona bat ailegatu da zuen herrira, herriz herri dagoen merkataria, meloi-saltzailea.

Kaleko giroari lotua dago. Hiltzen ari den merkataritza mota bat, jokatzeko modu berezia duena, pertsonen arteko harremanak indar handia baitu bertan: bi pertsona, bi errealitate, bi aurpegi.

Istorio jostagarri bat proposatzen dizuegu, istorio bizia, alaia. Ikuskizun xumea baina dotore, koloretsu eta txukuna aldi berean.

Istorio positibo bat kontatzea da gure asmoa. Eta istorio honen muina hauxe da: bizimodu berria asmatzea, gatzik eta bizirik gabeko mundu honetarako.